ద సన్ ఆఫ్ హీరో.

మీకేనండీ వాడి గురించి అలోచించారా?
ఏంటి అలోచించేది .నీ మొహం.
వాడికి నిండా పదిహేనేళ్ళు లేవు.
నువ్వు కూడా సపోర్ట్ చేస్తున్నావ్ అన్నాడు సీనియర్ హీరో గారు.
సపోర్ట్ కాదు.వాడు మీరెళ్ళాక చేసే గోల అంతా ఇంతా కాదు అన్నది భార్య.
కనీసం ఇంటరైనా పూర్తి అవ్వాలా అన్నాడు. ?
పొద్దుటి నుండి వాడు తలుపులు పగల గొడుతున్నాడు.
డ్రమ్ములో నీళ్ళన్నీ పారబోశాడు.
కారు పాడు చేశాడు.
డ్రెస్సింగ్ టేబిల్ పగల గొట్టాడు అన్నది..
కాస్త ఓర్చుకోమనవే .ఎట్లాగూ వాడు చదివి చచ్చేది
అంతంత మాత్రమే. ఆ మొహాన కాస్తంత నూగు మీసాలన్నా రానీవే.
అప్పుడు  హీరో అంటే కాస్తంత బాగుంటుంది.
లేక పోతే ఇప్పుడే వాణ్ణి సినిమాల్లోకి తెచ్చినందుకు అందరూ నా నోట్లో ఉమ్మేస్తారు.
చెప్పింది కాస్త వినాలి.
అసలు నా సినిమాలే ఆడక చస్తొంటే ఇదేం గోల?
వాడు హీరో అవ్వడానికి ఇంకా కొంచెం టైం తీసుకోవచ్చు.
మీ సినిమాల సంగతి అటుంచండి.అవన్నీ ఫ్లాపు లే అయినా మనకేం తక్కువ .
బోలెడంత డబ్బుంది. ఆ కాజలూ ,సమంతా పక్కన హీరో గా చెయ్యాలని ఉందంట

లేక పోతే వాళ్ళు పెద్దై పోతారు నాకు చాన్సు ఉండదు అంటాడు వాడు.
వాళ్ళు మళ్ళా దొరకరేమోనని వాడి బాధ.
వాళ్ళు పెద్దవడమేంటే నీ మొహం వాళ్ళు ఎప్పుడో పెద్దై పోయారు.
వీడాశ పాడుగానూ అన్నాడు హీరో గారు.!