రెక్కలొచ్చే వరకు ప్రక్క ప్రక్క నే

రెక్కలొచ్చే వరకు ప్రక్క ప్రక్క నే తిరుగుతారు
రెక్కలు రాగానే పక్క పక్క కెళ్ళి పోతారు
ఏవో ఏవేవో సాకులు చెప్తారు.
 ఒక్క మాటా మాట్లాడే తీరిక   లేదంటారు   
ఏం చెప్పినా చేసే  పిల్లల్లా కాకుండా
నేం చెప్పినట్లు చెయ్యొచ్చు కదా
మేం చెప్పింది వినొచ్చుకదా
అనే పెద్దల్లా   తయారవుతారు.
ఏ మూల నున్నా వెతుక్కుంటూ వచ్చే వయసునుండి
ఒక మూల పడి ఉండొచ్చుగా అని   అరిచి  మండి పడతారు.  
అది కావాలి ఇది కావాలి అని కొనిపించుకున్నవి   మర్చి పోయి
ఇది  వయసా అది  అవసరమా అని రెచ్చి పోతారు
ఈ పిల్లల మాటేమో
కొంచెం ముందు  మనమూ  అలాంటి వాళ్ళమేమో?