ఎంతైనా సొంత పిల్లలు కదా?

ఇప్పుడు ఎవరి పిల్లల్ని వాళ్ళు ప్రేమగా జాగ్రత్తగా చూసుకుంటున్నారు అన్నాడు దేవుడు.
అవును ఆ ప్రేమ కన్నప్పుడే ఉంటుంది కంటేనే పిల్లలని నేను అంటే మీరు విన్నారా స్వామీ గతంలో మీరు ఏం తప్పు చేసారు అన్నది దేవత.
  >>>>>>                >>>>>>>>>>>>>>                  >>>>>>>>>>>>>>>        >>>>>>>
ఒక్కసారి గతాన్ని గుర్తు తెచ్చుకున్నాడు సృష్టి కర్త.
కేవలం మనుష్యులు అందరూ మనుష్యులే సృష్టించ బడ్డారు.
వారికి పిల్లలు కలగరు.ఆడా మగా  తేడా లేదు.అందరూ ఒకటే.
మరి ఈ లోకానికి మనుష్యులు కావాలి .ఏకంగా పెద్దవాళ్ళనే సృష్టిస్తే  వాళ్ళు అన్నీ నేర్చుకోలేరు. ఆది కూడా ఒక సారి జరిగింది.

మరి పిల్లల్ని ఎలా సృష్టించాలి.దానికి దేవుడు కి మొదట అర్థం కాలేదు .తరువాత ఒక ఆలోచన వచ్చింది.
చెట్టుకి కాయలు కాసినట్టు పిల్లలు కూడా కాస్తే.

అలానే కాసారు  .ముద్దుగా ఉన్నారని అందరూ కోసుకునేవారు ,తీసుకునేవారు.కానీ కొన్ని రోజులే  ప్రేమ గా చూసుకునే వాళ్ళు  .ప్రేమ కరువై రక్షణ కరువై పిల్లలు నశించి పోవడం మొదలైంది.

నరజాతి అంతరించి పోతుందనే భయం పట్టుకుంది దేవుడికి.
అప్పుడే సృష్టి  కర్తకి ఆడా మగా సృష్టించాలనే  అలోచన వచ్చింది.వెంటనే అమలులోకి వచ్చేసింది అది.

అప్పటి నుండి పిల్లలు  ఎంతో ప్రేమ పొందుతున్నారు.వాళ్ళకి రక్షణ దొరుకుతోంది.
వాళ్ళ భవిష్యత్తుకి పెద్ద పీట వెయ్యడానికి మనుష్యులు ఒకళ్ళని ఒకళ్ళు దోచుకోవడం కూడా మొదలయింది.
ఎంతైనా సొంత పిల్లలు కదా?