గొప్ప తెలివైనోళ్ళు

పెద్ద రొడ్డే .
కాలనీలో అయినా .
ట్రాఫిక్ అంతా ఆగిపోయింది.
ముందు ఏదో వెళ్తోంది.ఆ వెళ్ళేది లారీ నో ట్రాలీ నో అర్థం కావట్లా ఎవ్వరికీ.
చాలా వేళ్ళాడుతున్నాయి.క్యారీ బ్యాగులూ, సంచులూ,కాగితాలూ,పేపరు కట్టలూ,విరిగిపోయిన కుర్చీలు,చిన్నపిల్లల సైకిళ్ళూ,ప్లాస్టిక్ కుర్చీలూ అన్నీ ఉన్నాయ్.
అసలు వెహికిలే కనబడట్లా.
జనం విసిగి పోయారు.పోలీసు కంప్లైంట్ ఇచ్చారు.
 ఓ యస్సై గారు వచ్చారు.
ఆయనకి కూడా అర్థం కాలా .సైడు కూడా దొరకలా.
వేరే రోడ్డు లోంచి ఎదురు వెళ్ళాడు.
''అరేయ్ పెద్ద బండి పెద్ద వెహికిలు అని చస్తున్నారు ఎనక జనం.
చెప్పి చావరా ఈ ముదనష్టపు సైకిలు కి ఇవన్నీ కట్టి ఇంత సీను చేస్తున్నావనీ'''
 యస్సై గారి మాటలు వెనుక ఉన్న వాళ్ళకి వినబడినై.
అందరూ మూర్చపోయారు.